SAMAÍN 2013

Este ano a celebración do Samaín tivo algunha novidade con respecto a edicións anteriores… este ano tivemos que elaborar coas familias ademais das tradicionais cabazas uns feitizos e meigallos do mais creativo!

FEITIZOS VER PRESENTACIÓN DESCARGAR TODO

O NOSO CORPO

No noso proxecto "Osíxeno" estamos aprendendo moitas cousas sobre o noso corpo. Coma a profe Pilar Mateos sabe moitos contos relacionados co tema,  estivo na nosa aula amosándonos  dous libros marabillosos e simpáticos. Botamos moitas risas (sobre todo co remate dos contos!), pasámolo moi ben… e por iso convidamos a profe a que volte a nosas aulas sempre que teña un pouquiño de tempo.

Queres saber que libros nos contou?

O ESQUELETE

Mira como aprendemos os nomes do esquelete!

CANCIÓN: O MERCADO (MARÍA FUMAçA)

En 2º seguimos igual de cantareiros… e apoiamos ás aprendizaxes a través da música!

Canta connosco!

O SISTEMA NERVIOSO

Os de 2º estamos a traballar na primeira parte do proxecto Osíxeno: O CORPO HUMANO. Aquí deixamos un vídeo con información para realizar as pescudas do noso traballo!

Escoita este vídeo atentamente…

NÓS PARTICIPAMOS!

Bibliomosteiro convocou un concurso de carteis de Animación á Lectura. Mirade que artistas os de 2º… e que participativos! Xa están todos expostos no vestíbulo da primeira planta.

Grazas ás familias por colaborar!

Carteis de animación á Lectura VER PRESENTACIÓN DESCARGAR TODO

 

DÍA MUNDIAL DO LAVADO DE MANS

Hoxe martes 15 de outubro celébrase o Día Mundial do Lavado de mans. Os de 2º estamos a estudiar  o corpo humano na primeira parte do Proxecto Osíxeno e a hixiene é un dos contidos importantes que traballamos co tocante ao coidado do noso corpo.

Escoita a canción Dos Lunnies… aprende e…

Non o esquezas… hai que lavar as mans!

AS MIÑAS LECTURAS FAVORITAS

As lecturas deste fin de semana trouxeron unhas fichas do máis chulas. Botade unha ollada!

 

Como gustan estes bolechas, non sí?

 

Non queda detalle!

 

Que letras tan logradas na portada!

Seleccionadas polo esforzo! VER PRESENTACIÓN DESCARGAR TODO

Parabéns rapaces. Seguide así!

REUNIÓN XERAL NAIS/PAIS

O vindeiro martes 8 de outubro faremos a presentación e reunión entre profesorado do Primeiro Ciclo e familias.

Hora: 16:30

Lugar: Vestíbulo do Primeiro Ciclo, planta baixa (corredor da esquerda).

Ao remate da presentación xeral os titores reuniranse en cada aula cos pais/nais do seu alumnado.
Recomendamos non acudir á reunión cos fillos e fillas.
Para aquelas familias que non poidan asistir lembramos que a atención a nais/pais realizarase os martes de 16:30 a 17:30 previa petición de cita ao titor-a e con preferencia ás datas sinaladas a continuación:

OUTUBRO: 22     NOVEMBRO: 12, 26     DECEMBRO: 3, 17

XANEIRO: 21     FEBREIRO: 4, 25     MARZO: 18

ABRIL: 8, 29     MAIO: 13     XUÑO: 3, 17

(*Estas datas poden sufrir modificacións por necesidades e organización do centro que serán notificadas con antelación.)